يعاني المعتقلون في مصر من أوضاع معيشية مأساوية وصعبة للغاية، من إهمال وتعنت وتضييق تسبب في كثير من الأحيان لاستشهاد العديد من منهم ، حيث فاق ما يتعرض له المعتقلون في سجن "برج العرب" كل ما يتوقعه الجميع، فقد بلغت الأفعال السادية والوحشية من أمن الانقلاب في هذا السجن مدى بعيد في الأجواء الباردة كالتي نعيشها الآن، يجرد المعتقل من معظم ملابسه، لينام على الأرض "البلاط" في ظروف لا يطيقها بشر.
وعن هذا تقول شقيقة أحد المعتقلين بسجن برج العرب :
من ساعة ما خرجت من الزياره وانا مش قادره اجمع الكلام واوصف اللي محمد كان فيه..!!!
محمد من اول ما دخل الزياره كان متغير جدا جدا عن طبيعة محمد البشوش ..!
سلم على انا وماما ورقية وقعد مسألش عن أي حد ودي على غير الطبيعه... اول سؤال لسه فاكرينّا برا؟؟ طيب لسه الناس بتكتب عننا وعن اللي بيحصلنا؟
وعيونه كلها دموع..وعمرها ما حصلت من يوم اعتقاله مكناش بنشوف غير الضحكة الجميلة ومنفصلش ضحك،،المرة دي مفصلناش عياط!!
مفيش بطاطين يا ماما مفيش فرشه مفيش هدوم تقيله مفيش اكل مفيش اي حاجه يا ماما،، جردونا من كل حاجه من كل حاجه يا آلاء!!!
في التفتيش مدخلوش الهدوم الشتوي،، مدخلوش بناطيل لمحمد.!!
مدخلوش بطاطين،، مدخلوش دفاياات!!
مدخلوش اي منظفات للزنزانه،، مدخلوش اي منظفات شخصيه ليه!!
مدخلوش الكتب اللي محتاجها!!
مفيش تريض يا ماما،، مبنشوفش بعض يا أمي خالص!!
الزنزانة مقفوله علينا ال 24 ساعه!!
عارفين يا ماما في ايام بتمر علينا مبيبقاش عندنا اكل في الغرفة،
والله يا ماما الناس هنا بتموت بالبطئ!!
عارفه يا أمي بيدخلوا علينا كل يومين يجردونا حتى من الحاجه اللي بتدخلنا ف الزياره،، من علاجنا من لبسنا...
حتي يا ماما اللي بيكون لابس حاجتين فوق بعض بيخلوه يخلع واحد وياخدوا التاني!!!
بيدخلوا علينا يا أمي ويقولولنا مين عايز يطلع من الاخوان يمضي ع الورقه دي ويروح يقعد مع الجنائين وهنطلعه براءه...!!!
في آخر الزياره يا أمي اطلعوا وكلموا كل الناس اللي جايه زياره قريب خلوهم يجبولنا شكاير نفرشها ونعلق عليها حاجتنا وخلوهم يجبولنا قُرص وقراقيش ونواشف كتير يا أمي..!!
عارفين احنا مش هنموت من الجوع والله احنا هنا مش عشان اكل ولا شرب ولا الكلام دا... احنا هنا لله يا أمي وكله يهون في سبيل الله.